بقلم / منال راتب
السعادة حلم كل حزين
كل تايه فى الدنيا مش عارف معنى الحنين
كل محروم من فرحة تسعد قلبه الضعيف
كل اللى عايش مش عايش ويعيش بس لمين
كل مجروح مش لاقى اللي يداوى جرح السنين
كل اللى محتاج ايد تطبطب ايد تمسح الدمع والانين
كل اللى محتاج كلمة حلوة تسعد القلب الحزين
كل اللى محتاج بس نظرة لمسة همسة حتى دول قاسيين عليه
كلنا عايزين سعادة وهو ايه معنى السعادة
اللى حس بسعادة يوصف نفسى اعرف شكلها ايه
يجرى اية لو مرة نفرح نجرى نضحك نفرح نلعب
يمكن دول هما السعادة ولا ايه بس السعادة
يالى حسيت السعادة قولى نفسى اتعرف عليها
واعيش حياتى احس بيها وانسى ايام الانين
